O mantemento dos colexios municipais será adxudicado a unha empresa privada
Por Redacción
O mantemento dos centros escolares municipais será asumido moi pronto por unha empresa privada.
Así o decidiu o Concello de Pontevedra que, a través da concellaría de Educación, ordenou aos técnicos municipais que redacten os pregos para este contrato.
Esta contratación sería por 200.000 euros anuais e tería por obxecto asumir as obras e reparacións de mantemento que se realizan nos centros escolares de Infantil e Primaria do concello durante o curso escolar.
Non entraría neste contrato a realización de obra nova, xa que existe unha lexislación estatal que impide aos concellos realizar obra nova nos colexios e han de limitarse ao mantemento.
Desde o goberno municipal entenden que é prioritario facer este contrato para regularizar e sistematizar todos os labores habituais que se fan nestes centros públicos.
Relacionadas:
-
O mantemento dos colexios, novo cabalo de batalla entre o Concello e o PP
Por Alejandro Espiño |
-
Aproban obras por vía de emerxencia para resolver filtracións de auga en colexios e centros culturais
Por Redacción |
-
Reiniciando... os nenos adaptan o seu sistema operativo ao novo curso
Por Mónica Patxot & Natalia Puga |