Susto na rúa Riestra ao esquecer un veciño a comida ao lume
Por Redacción
Dúas dotacións de bombeiros do parque de Pontevedra tiveron que actuar nunha vivenda da rúa Riestra despois de orixinarse un pequeno incendio nunha cociña dun inmoble.
Segundo os datos facilitados polos bombeiros, o lume orixinouse na cociña do piso onde ao parecer o propietario deixara esquecida ao lume a comida. Sucedeu ás 16:20 horas.
Ao lugar acudiron dous vehículos dos bombeiros, así como axentes da policía local, sen que tivesen que actuar os servizos sanitarios.
Como resultado do incidente, resultou afectada parte da cociña do piso sen que se producisen riscos persoais, aínda que o suceso causou gran balbordo.