Inclúen cláusulas nos contratos do Concello para facilitar a integración de persoas con discapacidade
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/01e/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5693e10e93-fouces-e-raimundo.jpg)
CC BY-NC-SA PontevedraViva
A partir de agora, os contratos que as empresas contraian co Concello de Pontevedra contarán con cláusulas sociais, segundo anunciou a concelleira de Benestar Social, Carmen Fouces. A Xunta de Goberno mandou na mañá deste luns 11 que se introduzan estas fórmulas a condición de que os servizos técnicos consideren que é posible.
Desta forma, búscase que se poidan integrar aquelas persoas con discapacidade nunha contorna laboral. Fouces indicou que no novo contrato para o Servizo de Axuda no Fogar incluiranse xa cláusulas sociais.
PROTOCOLO DE FRÍO
Segundo a concelleira non se rexistraron incidencias durante os últimos días con motivo da activación do protocolo de frío. Os albergues, segundo Fouces, non rexistraron cheos salvo no caso do centro Calor e Café. E engadiu que calquera persoa que necesite unha cama poderá contar con ela en Pontevedra.