Aparatoso accidente sen feridos na Granxa
Por Redacción
Unha dotacion do servizo de Emerxencias de Sanxenxo trasladouse na tarde deste venres ata o lugar de A Granxa, na parroquia de Dorrón, ante o aviso por un accidente de tráfico arredor das 19.00 horas. Finalmente, non houbo que lamentar feridos, pero o sinistro resultou moi aparatoso e causou importantes dantos materiais.
Segundo informou Emerxencias de Sanxenxo, un vehículo que ía en circulación saiuse da vía e colisionou con outro que estaba estacionado á marxe da calzada. Todos os ocupantes que viaxaban no interior do turismo resultaron ilesos.
Por outro lado, dende este servizo municipal piden precaución aos condutores e peóns de Sanxenxo, pois en moitas zonas do municipio están sen alumeado público por mor da avaría rexistrada na subestación de Vilalonga, de modo que aumenta o risco de atropelo.
Relacionadas:
-
Unha avaría deixa sen luz 19.200 fogares de Sanxenxo, Meaño e O Grove
Por Redacción | Creada e actualizada