Cava especial para nenos na festa fin de ano do Ludonadal de Poio
Por Redacción
O xoves 31, como ven sendo habitual estes últimos anos, o Ludonadal de Poio celebrará a súa festa de fin de ano. Os nenos asistentes, tomarán as gominolas da sorte coas 12 badaladas do mediodía, ademáis de brindar con cava especial de nenos. Ademáis terán unha gran merendola e baile.
Tamén está previsto que o luns día 4, algún dos Reis Magos faga unha parada na ludoteca dentro da súa apretada axenda de visitas.
NADAL EN CAMPELO
Ademais, o vindeiro sábado día 2 de xaneiro celebrarase o I Certamen de Nadal en Campelo, organizado pola Asociación de Veciños de Campelo coa colaboración do Concello de Poio.
Comezará ás 18 horas no local social deste lugar e o programa do acto inclúe a música tradicional do grupo de cantareiras "Madia leva", de Meis, e do amplo repertorio musical do cantautor combarrés, Miguel Martínez.
Trátase dun evento de carácter solidario xa que os alimentos que se aporten a modo de entrada serán entregados aos servizos sociais municipais, quen os repartirán entre as familias máis necesitadas.