O 112-Galicia rexistrou esta mañá 59 incidencias polo temporal na nosa provincia
Por Redacción
O Centro de Atención ás Emerxencias 112-Galicia rexistrou entre as 7.30 horas e as 13 horas de hoxe un total de 59 incidencias na provincia de Pontevedra relacionadas co temporal de chuvia e vento.
Dirección Xeral de Emerxencias e Interior activou o Plan especial de Protección Civil ante o risco de inundacións de nivel 1, debido ás análises dos parámetros meteorolóxicos e hidrolóxicos das últimas horas, xa que segundo informou Aemet, hai un aumento xeneralizado dos caudais dos ríos con previsións en aumento, e desbordamentos puntuais.
Nese sentido, Augas de Galicia pola súa banda informou do incremento xeneralizado do caudal dos ríos en toda a vacía hidrográfica Galicia costa.
Segundo o último parte de Augas de Galicia, a situación no encoro de Caldas foise normalizando, o parte emitido este mediodía sinala que o encoro do Umia "alivia por coronación, pero continúa descendendo o seu nivel. Está ao 77,4 %, cun caudal de saída de 85 m3/s".