Ferido un operario tras caer por un terraplén coa máquina que manexaba no Grove
Por Redacción
Un operario resultou ferido tras quedar atrapado debaixo dunha máquina que manexaba ao caer por un terraplén no Monte Siradella no municipio do Grove.
Segundo informou o 112 Galicia, os feitos tiveron lugar sobre as 22,30 horas do mércores cando un home caeu por un terraplén coa máquina que traballaba e quedou atrapado.
Foron efectivos de Protección Civil do Grove os que liberaron ao operario de debaixo da máquina. Tamén foron alertados os Bombeiros de Ribadumia e Protección Civil de Sanxenxo.
O 061 desprazou un médico do Punto de Atención Continuada da zona e unha ambulancia asistencial que levou ao home ferido, A.S.A., de 26 anos, ao Hospital Domínguez.