O contrato do local para a aula de lectura de Vilalonga farase por dous anos de duración
Por Redacción
O Concello de Sanxenxo concluíu xa o prego de cláusulas administrativas que rexerán a contratación, mediante concurso público, do aluguer do local con destino a Axencia de Lectura en Vilalonga. As condicións deberán ser publicadas no BOP e o DOG, previsto para as próximas semanas, antes de que se abra o prazo de presentación de ofertas.
A duración do contrato será de dous anos de duración e o prezo máximo de licitación será de 10.800 euros sen IVE, o que supón un aluguer mensual de 544,50 euros. As cláusulas indican que non procederá revisión de prezos ao longo da duración do contrato debido á súa escasa duración.
Cabe lembrar que a finais do pasado mes de agosto o concelleiro de Cultura, Roberto Carlos Agís, anunciaba a clausura da aula de Lectura tras detectar que o Concello levaba máis de dous anos sen abonar o aluguer do local, debido a dificultades dos propietarios para prestar este tipo de servizos á administración pública, existindo mesmo máis dunha advertencia da Axencia Tributaria neste sentido.