Rematan os traballos de ensanche do Camiño de Porto
Por Redacción
O alcalde da Lama, Jorge Canda Martínez, inspeccionou o remate final dos traballos de ensanche do camiño de Porto, na parroquia de Verducido, a través dos cales mellorarase o acceso do tráfico rodado a este lugar especialmente daqueles vehículos de emerxencia que tiñan graves problemas para circular debido ao estreito do viario e ao sinuoso do seu trazado.
Estes traballos puideron realizarse grazas ao consenso logrado polo alcalde coa gran maioría dos propietarios das leiras lindeiras que cederon unha pequena parte dos seus terreos para poder proceder á súa ampliación e ensanche.
Ademais da ampliación da calzada procedeuse á correspondente construción dos muros de contención necesarios para asegurar o novo viario e o peche das propiedades o que ocasionou un maior gasto económico debido ao uso de perpiaños de gran tamaño.