Rescatadas nove persoas tras o afundimento dun veleiro no Grove
Por Redacción
Nove persoas foron rescatadas ilesas tras envorcar e afundirse o veleiro no que viaxaban, na tarde deste sábado, pola ría de Arousa. A zona do naufraxio, concretamente, situouse nas inmediacións da illa da Toxa (O Grove).
Foi un particular o que deu aviso ao 112 Galicia, sobre as cinco da tarde, de que estaba a ver a un barco que envorcara preto da Toxa Pequena.
Así, mobilizouse ao helicóptero Pesca 1, á auxiliar do buque da Xunta Irmáns García Nodal, a Salvamar Sargadelos e á embarcación de Protección Civil do Grove.
Ao parecer, unha manobra errónea do patrón do veleiro sería a causa do afundimento.
As nove acodes que navegaban nel conseguiron chegar polos seus propios medios a unhas rocas próximas, onde foron auxiliados polos servizos de emerxencias.
Todas elas foron evacuadas ata o porto de Santo Tomé (Cambados) por unha embarcación do club náutico ao que pertencían. Ningún dos rescatados necesitou asistencia sanitaria.