A diversidade sexual analízase en Pontevedra
Por Redacción
O Pazo da Cultura de Pontevedra acolle os días 6 e 7 de novembro as quintas Xornadas sobre Sexoloxía organizadas pola Sociedade Galega de Sexoloxía na que participarán diversos expertos sobre a materia para analizar as diversidade sexual.
Desta forma, ao longo dos dous días que durará o congreso debaterase, entre outros temas, sobre a prostitución, sobre a sexualidade entre persoas cunha discapacidade, sobre as relacións tras o parto, a transexualidade ou a violencia e a involución nos modos de relación entre adolescentes.
Ademais dos relatorios e das mesas redondas nos que intervirán 20 poñentes, tamén se desenvolverán durante estas xornadas varios obradoiros sobre a sensibilidade, flirtear a cegas, striptease de xénero ou Romantic Bondage, impartido por un experto en xogos eróticos.
O prezo da matrícula para os socios da entidade organizadora é de 30 euros, mentres que para o resto de público é de 40 euros, salvo para estudantes que pagarán só 20 euros.