O chiringuito Sinás en Raxó, Premio Chiringuito Responsable
Por Redacción
O chiringuito 'Sinás', en Raxó foi un dos gañadores dos 'IV Premios Chiringuitos Responsables' polas súas iniciativas sustentables, que se celebraron este martes en Madrid.
Xunto ao chiringuito de Poio, propiedade de Oliver da Silva, foron galardoados na categoría 'Iniciativas desenvolvidas' o chiringuito 'O Puntal', en Somo (Cantabria); o chiringuito 'Lasal do Varador', en Mataró (Barcelona); o chiringuito 'Mojama Beach', en Chiclana de la Frontera (Cádiz) e o chiringuito 'Pura Vida Organic Restaurant', en Alcossebre (Castelló).
Durante esta edición presentáronse 88 establecementos das dez comunidades costeiras da xeografía española que desenvolveron máis de 200 iniciativas, o que supón un "récord de participación" respecto de edicións anteriores.