Dúas mozas resultan feridas ao caer co seu coche na fonte da rotonda de Vilariño
Por Redacción
Dúas persoas resultaron feridas nun accidente de tráfico rexistrado este domingo na estrada PO-300 no tramo correspondente á rotonda de Vilariño, en Cambados. O suceso tivo lugar contra as 5,00 horas deste domingo.
Segundo informaron desde Protección Civil de Cambados, as feridas son a condutora C.C.F. de 29 anos e veciña de Cambados, e a pasaxeira M.G.C. de 24 anos, veciña de Ribadumia. Foron trasladadas ao Punto de Atención Continuada de Cambados e desde alí foron derivadas ao Hospital do Salnés.
A proba de alcoholemia realizada á condutora deu positivo.
A rotonda de Vilariño que regula o principal acceso ao centro de Cambados rexistrou durante este verán oito accidentes de tráfico, sen contar con este.
Neste punto de conflúen a estrada PO-300 que comunica con Pontevedra coa Vía do Salnés, no seu tramo Vilagarcía-Ribadumia.