Vilaboa quere incorporarse ao área metropolitana de Vigo
Por Redacción
O alcalde de Vilaboa, José Luís Poceiro, transmitiu ao seu homólogo en Vigo, Abel Caballero, que quere que o seu concello se incorpore ao proxecto de área metropolitana de Vigo.
Así o desvelou Caballero en rolda de prensa, sobre a conversación mantida co seu compañeiro socialista.
Logo de garantirlle o seu apoio, o rexedor vigués lembrou que este municipio súmase así a Tui, Tomiño e A Guarda, que tamén queren formar parte deste ente supramunicipal a pesar de non estar entre os 14 que conforman a actual área. Tal e como indicou, esta ampliación elevaría a poboación da futura área a preto dos 600.000 habitantes.
O pasado mes de maio, a tamén socialista Carmen Gallego, deputada e veciña de Vilaboa, tachou de "falta de respecto institucional" a exclusión de Vilaboa do Plan Metropolitano de Vigo, criticando a decisión da Xunta por ser Vilaboa o único municipio do Morrazo que queda excluído do devandito plan.