O PP denuncia: "Cada día que Lores entra en el Concello, incumple la ley"
Por Redacción
Os datos recollidos na Conta Xeral do Concello de Pontevedra revelan, segundo denuncia o grupo municipal do Partido Popular, que o Goberno local recibiu no ano 2014 un total de 285 reparos de intervención, un dato que, na súa opinión, significa que "cada día que Lores entra en el Concello, incumple la ley" ou, o que é o mesmo, "cada día que entra, hace algo que los funcionarios consideran ilegal".
Os concelleiros do PP César Abal e Rafael Domínguez deron a coñecer os datos este martes comparándoos cos 138 reparos de 2012 e os 206 de 2013. O ano pasado seguiron a medrar ata acadar unha cifra que es "una barbaridad" e que significa que, logo de 16 anos como alcalde, Miguel Anxo Fernández Lores, fixo "del Concello su cortijo" e ancorouse na política de "desprecio por la ley".
César Abal comparou os datos de Pontevedra cos de outros municipios galegos de entre 20.000 e 100.000 habitantes. Os datos de 2014 aínda non se coñecen, pero en 2013 o Concello de Pontevedra, con 206 reparos, foi o concello galego dese tamaño con máis advertencias dos funcionarios municipais. Ese ano Santiago de Compostela tivo 76 reparos de intervención; Ferrol, 27; e Lugo, 12.
Á vista deses datos, Rafael Domínguez valora que "el desprecio de este Gobierno por las normas y las reglas a seguir está alcanzando cotas inimaginables". Na súa opinión, os máis graves son os 32 que foron por posible fraccionamento de contrato, é dicir, dividir unha mesma obra en varios contratos menores para saltarse as normas de vixilancia, entre eles seis na reforma da residencia da ONCE; e as dez que se emitiron por prórrogas "inadecuadas e ilegales" de contratos.
César Abal destacou tamén a xestión do pago do canon a Sogama, pois durante o ano pasado os técnicos municipais advertíronlle ao Goberno de Lores ata en nove ocasión que estaba a incumplir a lei porque "no se podía modificar unilateralmente el precio del canon, en contra de las continuas manifestaciones que vienen afirmando sobre esto, en las que dicen que hicieron caso a los técnicos".
Do total de reparos dos técnicos, 46 corresponden a xestións dos ex-socios de goberno, o PSdeG-PSOE, catro deles en relación coa reforma da avenida de Lugo, na que "se concedió una prórroga en el plazo de ejecución sin que fuera aprobado por el Órgano de Contratación, que es lo competente, al ser el tiempo de ejecución un criterio esencial para la adjudicación".
O CONCELLO ASEGURA SER "ABSOLUTAMENTE ESCRUPULOSOS"
Ao fío destas críticas, a concelleira Carme da Silva afirmou que o goberno municipal é "absolutamente escrupuloso" na tramitación de todos os expedientes e no pagamento dos compromisos adquiridos. Negou que, neste sentido, haxa problema legal ningún, e recomendou aos edís populares que "reflexionen un pouco sobre outras cousas que lles pasan a eles" dentro do seu propio partido.
Ademais, Carme da Silva afirmou que ao Partido Popular "o que lles molesta é que fagamos cousas por Pontevedra" e pediulles que "se preocupen polo que a Xunta non fai nesta cidade".
Relacionadas:
-
O PP queda só na votación en contra da Conta Xeral municipal de 2015
Por Redacción |
-
O PP alerta de que o Consello de Contas revisará 173 actuacións do Concello contrarias a Intervención
Por Redacción | Creada e actualizada
-
O PP leva a Fiscalía as presuntas irregularidades do contrato de xardíns en Pontevedra
Por Alejandro Espiño |