Un camión cae por un desnivel na autovía do Salnés
Por Redacción
Creada e actualizada
Creada e actualizada
Un camión protagonizou na mañá deste venres un aparatoso accidente na Autovía do Salnés (AG-41) no que un home resultou ferido, segundo informou o Centro de Atención de Emerxencias de Galicia 112.
Os feitos aconteceron arredor das 11.15 horas ao paso da autovía polo termo municipal do Meis. Por motivos que se descoñecen o condutor do camión saíuse da vía, precipitouse por un desnivel e rematou envorcado nun terreo.
O vehículo accidentado era un camión frigorífico que transprotaba mexillón. Ata o lugar desprazáronse os Bombeiros do Salnés para realizar tarefas destinadas a retirar a vertedura da vía.
O condutor e único ocupante do vehículo non quedou atrapado no interior deste a pesar de que o camión quedou envorcado. Estaba accesible para os sevicios de emerxencia, que procederon ao seu traslado a un centro hospitalario.
A alerta do sinistro dérona varios condutores que se encontraron coa situación e o 112 mobilizou a efectivos do parque de Bomberos, Urxencias Médicas de Galicia, a Garda Civil de Tráfico e Protección Civil de Meis.