Vaipolorío retira árbores no sendeiro dos Gafos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Un grupo de integrantes do colectivo ecoloxista Vaipolorío acometeron a limpeza do sendeiro e do leito do río dos Gafos ao seu paso polo tramo rural de Pontevedra.
As últimas enchentes provocaron a caída de numerosas árbores e pólas na contorna do río e, por ese motivo, foi necesaria a utilización de medios mecánicos para deixar limpa e despexada a zona.
A finais do mes de decembro, Vaipolorío xa realizara outra actividade semellante nas proximidades da ponte Rebón.