Este sábado entrará unha fronte que deixará chuvias en toda Galicia
Por Redacción
A previsión de MeteoGalicia indica que unha fronte afectará a Galicia durante todo este sábado.
Desta forma, segundo os técnicos deste organismo dependente da Consellería de Medio Ambiente, os ceos iranse anubrando progresivamente dende o oeste, con precipitacións que pola mañá se rexistrarán nas provincias atlánticas.
Xa pola tarde, as chuvias poderanse dar en calquera punto da comunidade galega, e remitirán pola noite, cando terán un carácter máis débil e illado.
As temperaturas sufrirán un descenso moderado, mesmo notable localmente as máximas.
Os ventos soprarán frouxos, pola mañá do sueste, cambiando a noroeste durante a tarde.