Todo a punto en Covelo para "a gran churrascada"
Por Redacción
Un grupo de operarios do Concello da Lama realizaron labores de limpeza e matenimiento non só nos viais que comunican o interior da parroquia de Covelo senón tamén o recinto onde terá lugar a gran churrascada que dea comezo este venres ás festas en honor á Virxe das Dores.
O alcalde, Jorge Canda, supervisou persoalmente os traballos de limpeza nos viais así como os retoques feitos na cancilla que dá entrada ao recinto festivo de Covelo onde se instalou tamén unha gran mesa para servir de mostrador á churrascada que se ofrecerá aos veciños mañá venres, a partir das 21 horas, e que estará amenizada polas orquestras Televisión e Prisma.
Os técnicos e operarios do Concello da Lama procederán tamén en próximos días, unha vez que finalicen as festas en Covelo, a buscar unha solución para facilitar a drenaxe da auga de chuvia que se concentra xunto á entrada ao recinto co fin de que non se produzan arrastres de terra e pedras que estragan o ámbito.
A parroquia de Covelo celebra as festas en honor á Virxe das Dores os días 21 e 22 de agosto con diversas actividades lúdicas e relixiosas entre as que destacan a gran churrascada do venres pola noite.