A construción da Escola Infantil de Seixo rematará a finais do verán
Por Redacción
A alcaldesa de Marín, María Ramallo, fixo este xoves unha visita ás obras da Escola Infantil de Seixo.
Están pendentes algunhas das melloras que o concello quere realizar no patio de infantil, onde a empresa que executa os traballos ten que retirar o valado e deixar acondicionado o aspecto externo da parcela, para poder actuar.
Segundo comprometera a consellería de Benestar, as obras da Escola Infantil de Seixo terán que estar rematadas a finais de verán, polo que durante o curso que vén se poderá poñer en funcionamento o centro pertencente á rede autonómica A Galiña Azul e que contará con 41 prazas.
O investimento total para a construción deste centro ascende a 410.000 euros, dos que a Xunta de Galicia achegou o 60 por cento e o Concello os 164.000 euros restantes.
ROZA E LIMPEZA EN SETE ESPADAS
A Brigada municipal do Concello de Marín está a levar a cabo esta semana a roza e a limpeza do lugar de Sete Espadas.