A comarca envórcase coa fin de semana máis festiva do ano
Por Redacción
É a fin de semana máis festiva do ano en todo o estado, e tamén na comarca de Pontevedra, que durante esta sábado 15 e o domingo 16 de agosto ve como a maior parte dos seus cidadáns ten algo que celebrar.
Ademais do final da Semana Grande da Peregrina en Pontevedra, Vilagarcía dá a benvida ao San Roque, no que destaca como cada ano a Festa da Auga, na mañá do domingo.
Pero non é a única festa, xa que a nivel gastronómico Carril rende homenaxe á súa afamada ameixa.
En Poio o protagonista é o Mexillón, concretamente na Praza da Chousa de Combarro dentro da programación da Semana Cultutal, mentres en Mosteiro (Meis) se celebra a Festa da Carne de Poldro.
Son algúns dos exemplos, como Marín, que goza dunha festa con poucos anos de vida pero que vai gañando adeptos, como é a Festa Corsaria, que durante toda o fin de semana atrae a curiosidade de veciños e visitantes.
Na súa cuarta edición, o bo ambiente é visible no centro da vila, no que se instalaron máis de 40 mesas de particulares e profesionais da hostalaría.
En todos os casos, a ausencia de bo tempo baleirou as praias e outorgou maior número de asistentes a cada un dos eventos.