Menos expositores na Feira do Mel que comeza o venres 8
Por Redacción
Este venres 8 inaugúrase a Feira do Mel, que agora adopta a denominación de 'Meleira', na rúa Serra e estará aberta ata o 16 de agosto coa presenza de oito expositores, un menos que en 2014.
Nesta ocasión, segundo explicou no Concello durante a presentación da feira, José María Seijo, membro da Asociación de Apicultores, preténdese dar un impulso a este evento que chega ao seu 25 aniversario. Por este motivo ofreceranse obradoiros de extracción de mel e degustacións gratuítas de yogurt e mel, ademais de ofrecer produtos elaborados con este produto natural, sempre procedente de Galicia, e mesmo queixos.
Seijo indicou que este ano se rexistrou unha boa colleita de mel na zona de montaña. Non obstante, na costa resultou mala, debido á dependencia que teñen da floración do eucalipto.
Á presentación asistiron a concelleira de Promoción Económica, Anabel Gulías; acompañada pola deputada provincial socialista, Digna Rivas; polo presidente da asociación comercial Zona Monumental, Miguel Lago, e por diferentes apicultores.