Este sábado inaugúrase o Centro de Interpretación de Agrelo en Bueu
Por Redacción
Este sábado 18, a partir das 11.00 horas, inaugúrase o Centro de interpretación de Agrelo e para esa xornada organizouse por parte de Turismo de Bueu unha ruta que sairá ás 9.00 horas do peirao de Beluso para despois chegar ao acto de inauguración do Centro, tras percorrer a primeira etapa do sendeiro do litoral.
A duración da ruta será de dúas horas, e tras o final da inauguración, os guías acompañará aos participantes de regreso. Os interesados poden anotarse na Oficina de Turismo, chamando o 986.324.457 ou no correoturismo@concellodebueu.org
As obras de rehabilitación do centro iniciáronse a finais de 2014 no edificio que era o antigo matadoiro municipal de Agrelo construído no ano 1955 que foi proxectado polos arquitectos Francisco de Castro e Pedro Alonso. Tamén foi empregado durante moito tempo como sede de Protección Civil.
O Concello quere con este Centro complementar as actividades relacionadas co Cabo Udra e este edificio permitirá vincular os recursos naturais, económicos e culturais do municipio.