Non queriamos calor? Sete días máis
Por Redacción
As praias seguirán enchéndose de bañistas ao longo desta semana en busca dun mergullo que os refresque ante as altas temperaturas que están previstas para os próximos días.
Segundo as previsións do Servizo de MeteoGalicia, este luns seguirá o anticiclón entrando en forma de cuña sobre Galicia mantendo o réxime de ventos do nordés. Os ceos estarán despexados nas RíasBaixas. As temperaturas alcanzarán os 32 graos centígrados.
E o martes aumentarán, polo menos, un grao máis situándose nos 33. Será o día máis caloroso da semana. Nas Rías Baixas, os ventos soprarán do norte moderados provocando que as augas se encontren máis frías.
As temperaturas volverán situarse por enriba dos 30 graos durante a xornada do mércores 15. Os ventos seguirán de norte moderados con algún episodio en que soprarán fortes. A mesma situación se producirá durante o xoves 16.
A partir do venres continuarán as xornadas de sol e de calor pero iranse debilitando as altas presións. As temperaturas rebaixaranse lixeiramente para posicionarse entorno aos 27 graos.