Calor e fervor relixioso, un ano máis, na romaría de verán de San Bieito de Lérez
Por Diego Torrado
Dende a Alta Idade Media, os fieis asisten o 11 de xullo ata o Mosteiro del Divino Salvador de Lérez para pregarlle a San Bieito, o santo máis "milagreiro", a curación dos males, sobre todo os relacionados coa pel.
A primeiras horas da mañá, numerosas persoas achegábanse ata o santuario para cumprir coa tradición de pasar tres veces por debaixo do altar e levarse o aceite para a cura das espullas, ademais de deixarlle billetes á figura do santo, nun ano onde os devotos tamén pediron pola mellora da economía.
Este ano cúmprense os 1.100 anos da fundación do mosteiro da orde beneditina. A misa principal desenvolveuse a partir das 13.00 horas e á súa conclusión levouse a cabo a procesión polo ámbito.
Esta celebración vai unida a unha romaxe popular, que tamén conta con tradición e con centos de seguidores. Nesta ocasión, debido á aparición da toxina, non se repartiron mexillóns pero si empanada, a cargo do Concello, nas proximidades á praia fluvial do río Lérez.