Deteñen un marinense que se presentou na Comisaría e confesou un furto nun bar da Coruña
Por Redacción
A Policía Nacional de Ponteveda detivo un veciño de Marín como presunto autor dun delito de furto que tería cometido nun bar da Coruña o 6 de xullo e no que se tería chegado un botín de 24.000 euros entre obxectos e diñeiro en metálico.
O detido, de 44 anos, presentouse voluntariamente na Comisaría Provincial de Pontevedra e fixo entrega dos obxectos que subtraera no interior da cafetaría, ao tempo que explicaba aos axentes que os furtara por motivos económicos.
Segundo consta na denuncia presentada na Comisaría da Coruña, no citado bar subtraeran multitude de obxectos, entre os que figuraban dous ordenadores, unha mesa mesturadora, un amplificador de son, un televisor de plasma, unha caixa de caudais, varias botellas e 6.000 euros en efectivo entre eles. O propietario valora o subtraído e os danos en 24.000 euros.
Tras a súa comparecencia na sede policial, foi detido como autor dun delito de furto e posteriormente, unha vez tramitado o atestado policial, foi posto a disposición xudicial. Os obxectos foron entregados ao seu lexítimo propietario.