Miles de persoas aspiran a 14 empregos nun lavado de coches na Barca
Por Redacción
Unha oferta de emprego para 14 persoas da empresa de lavado de coches Wash&Coffees atraeu miles de persoas este sábado a Poio.
Esta compañía en expansión abrirá nun par de semanas as súas novas instalacións no centro comercial da Barca en Poio polo que precisa persoal. O anuncio coa súa oferta de emprego atraeu miles de persoas no paro de toda a comarca.
Segundo explicou o xerente de Wash@Coffees, Martín Rivas, o perfil que buscan é dunha persoa que "que tenga ganas de trabajar y de aprender", xa que os elixidos terán que facer primeiro un curso de formación.
Esta foi unha das preguntas formuladas na entrevista que a cada un dos aspirantes lles foron facendo dous responsables de recursos humanos desta empresa, xunto a outras cuestións como a experiencia laboral.
Atordados ante a resposta masiva e a repercusión mediática que tivo a súa oferta de traballo Martín Rivas declarou "ojalá hubiera la mitad de la mitad de la gente que hay hoy aquí".
A próxima semana comunicarase o nome das persoas elixidas para que poidan empezar a traballar en xullo.