Alumnado do IES Mestre Landín de Marín resulta gañador do Concurso Escolar do Parlamento de Galicia
Por Redacción
O xurado encargado de seleccionar aos gañadores e finalistas do Concurso Escolar 2014-2015 do Parlamento de Galicia acordou, por unanimidade, a concesión dun galardón ao alumnado do Instituto de Educación Secundaria Mestre Landín, de Marín.
A entrega dos premios desta V edición do Concurso Escolar do Parlamento, convocada baixo o lema “En busca da igualdade”, celebrarase na sede do lexislativo galego o vindeiro 12 de xuño.
A acta do xurado reflicte que na modalidade de Educación Secundaria, o premio correspondeu a Rodney Junior Ferreira Amorín, Paula Pastoriza Crespo, Avelino Portela Portela e Carla Rios Casalderrey, todos eles alumnos de 2ºC de ESO do IES Mestre Landín de Marín por un vídeo.
As bases da convocatoria determinaban que os traballos presentados deberían versar sobre aspectos relacionados coa igualdade e cada un deles debería ser elaborado, obrigatoriamente, por un grupo de catro alumnos, esixencia orientada a incentivar o traballo en equipo.
O premio consiste nunha táboa dixital e un lote de libros para cada alumno. Ademáis a clase do grupo gañador recibirá como premio unha excursión de carácter educativo para visitar un lugar significativo de Galicia. A profesora Patricia Díaz que supervisou o traballo gañador tamén será galardoada cunha táboa dixital.
Finalmente o centro educativo recibirá 2.000 euros para destinar á organización de actividades extraescolares ou da biblioteca escolar.