AJE organiza un curso gratuíto sobre redes sociais para a pequena empresa e autónomos
Por Redacción
A Asociación de Jóvenes Empresarios de Pontevedra (AJE Pontevedra) convoca para o mes que vén o curso gratuíto, "As redes sociais no ámbito da pequena empresa" que se celebrará entre o 8 de xuño e o 2 de xullo de luns a xoves de 19.30 horas a 22.00 horas na sede da propia entidade, na rúa Ferreiros, 28-5º andar.
O único requisito para acceder a esta formación gratuíta é estar en activo, xa sexa como autónomo ou en réxime xeral. As inscricións realízanse no correo electrónico de AJE Pontevedra: info@ajepontevedra.com ou no teléfono 986 862 550.
O curso consta de 40 horas de formación presencial e 5 horas de teleformación cun contido centrado no manexo en profundidade das redes sociais máis utilizadas (principalmente Facebook, Twitter, Linkedin, Google +) para utilizalas como ferramentas e sacarlles todo o proveito posible no traballo autónomo, por conta allea e, sobre todo, na pequena empresa onde, ben utilizadas, resultan moi beneficiosas en todos os sentidos.
AJE Pontevedra pretende con este curso formar traballadores autónomos, por conta allea ou emprendedores, para que manexen as redes sociais de forma rigorosa e profesional, non tanto lúdico nin de ocio, de maneira que poidan sacar todo o proveito posible ao seu labor.