O segundo andar do mercado de Bueu estrea a súa reforma co Mercado do Pan
Por Redacción
"En Bueu a día de hoxe hai máis pans que parroquias", defende o seu alcalde Félix Juncal, e todos eles estarán presentes no primeiro Mercado do Pan de Bueu.
O reformado segundo andar do mercado estréase con esta actividade, que reunirá a cinco panadarías tradicionais do municipio, ademais de contar cun espazo gastronómico con "pinchos e tostas" e outro reservado para viticultores da localidade.
O Mercado do Pan desenvolverase o venres 29 de maio de 10:00 a 14:00 horas e de 17:00 a 21:00 horas e o sábado 30 só en horario de mañá.
Esta iniciativa nace coa intención de ser "unha oportunidade para coñecer a calidade e variadade dos nosos pans", sinalou o alcalde na presentación.