Tres días de corte de tráfico por obras de asfaltado en Monte Porreiro
Por Redacción
Distintas obras de fresado e asfaltado que acometerá o Concello de Pontevedra no barrio de Monte Porreiro provocarán tres días de corte de tráfico en varias rúas, este xoves 28, o venres 29 e o luns 1 de xuño.
Para minimizar o impacto das obras, a Policía Local de Pontevedra deseñou un operativo especial de tráfico que comezará o día 28 a primeira hora e afectará á zona das rúas Os Campos, Francia, Portugal e Italia.
O día 29 de maio pola mañá, entre as 9.30 e as 14.00 horas, os cortes aplicaranse nas mesmas rúas mentres que na tarde dese día as restricións só afectarán á rúa Portugal, (no tramo Armónica - Areais).
O 1 de xuño procederase ao asfaltado da rúa Os Areais, no tramo comprendido entre O Auguardenteiro e a rúa Portugal, e cortarase o carril de saída de Monte Porreiro no devandito tramo.