As festas de Santa Rita despegan en Vilagarcía con jazz, soul, gaitas e poesía
Por Redacción
Aínda que os postos do mercado medieval aterran este mércores na Xunqueira, as festas de Santa Rita despegan realmente o xoves, cunha xornada na que a música máis diversa tomará as rúas. Os tradicionais pasarrúas durante toda a xornada completan unha oferta que inclúe un concerto de jazz no Auditorio e outro de soul na Xunqueira. Outras ramas do arte tamén terán o seu espazo no programa do día cun recital poético e unha exposición de pintura.
A actividade na véspera da festividade de Santa Rita comezará a media mañá coa apertura dos postos do Mercado Medieval no Parque da Xunqueira e cos pasa calles que percorrerán a cidade e que pola mañá correrán a cargo do grupo de gaitas Santa Plácida de Rubiáns.
Ao característico ambiente romeiro que se concentrará ao longo de toda a xornada nas inmediacións do pazo convento de Vista Alegre, sumaranse a partir das oito e media da tarde os pasarrúas do grupo de gaitas Froallo que servirán de aperitivo á segunda proposta musical da xornada, o concerto da formación de jazz Pablo Vidal Trío que terá lugar no Auditorio a partir das 21:00 horas. O trío presenta na súa localidade o seu primeiro disco "Jazz Pagano". As entradas pódense adquirir a partir das 19:00 horas no Auditorio por 5 euros.
E a segunda proposta musical será o concerto gratuíto que o grupo Freedonia ofrecerá a partir das 23:00 horas na Xunqueira.
Os amantes da poesía teñen unha cita ás 21:30 horas no Parque do Castriño que servirá de bucólico escenario a "Alma", un recital homenaxe aos grandes creadores de versos da histórica con especial mención aos poetas galegos. E os que opten pola plástica, poden visitar a exposición "Nais, espirais" que a pintora María Xiráldez inaugura ás 20:30 horas na sal ade exposicións do Auditorio.
O deporte marca a axenda do sábado, destacando ás 18 horas, na explanada do Auditorio unha exhibición de taekwondo. Ás 20 horas na Praza de Galicia terá lugar o espectáculo infantil "Contose do vento acatarrado".
O grupo Mocedades celebrará o seu 45 Aniversario con todas as persoas que acudan ao Auditorio Municipal.
Finalmente o domingo, ademais do mercado medieval, ademais da dinamización infantil en Rei Daviña e na Praza do Castro, haberá unha verbena a cargo da orquestra París de Noia, será na rúa Alexandre Bóveda a partir das oito da tarde.