O xornalista Lalo Azcona analizará en Ciencias Sociais o futuro da universidade
Por Redacción
O venres 24 de abril desenvolveranse charlas e mesas de debate na Facultade de Ciencias Sociais e da Comunicación baixo o lema 'Universidade e sociedade: comunicación necesaria". As intervencións de profesores, alumnos e diferentes expertos servirán para que o Foro Consello Social realice unha balance do resultado de 25 anos de Universidade e estudar as opcións de futuro.
Segundo publica o DUVI, o congreso estará coordinado polo profesor Fernando Ramos e supoñerá un punto de partida para centrar o debate para que a Universidade sexa unha institución máis visible, máis coñecida e máis próxima, precisamente cando a Universidade de Vigo cumpre un cuarto de século.
A conferencia inaugural correrá a cargo do primeiro reitor, Luis Espada, para que, a continuación, se desenvolva unha mesa redonda na que participarán estudantes. Ademais tratarase o futuro daUniversidade atendendo ás demandas da sociedade baixo a idea da "comunicación necesaria". Neste sentido, o foro contará coa conferencia de clausura a cargo do xornalista e empresario Lalo Azcona, que dende 2012 preside o Consello Social da Universidade de Oviedo.
As xornadas serán recoñecidas con créditos para o alumnado asistente que formalice a inscrición, de carácter gratuíto, a través da plataforma Bubela.