Tres persoas resultan feridas ao caer o seu coche ao mar na ponte do Terrón en Vilanova
Por Redacción
Un vehículo precipitábase ao mar cando circulaba ás 18.30 horas pola ponte do Terrón, no concello de Vilanova de Arousa. No interior do turismo, un Seat Ibiza, viaxaba unha muller ao volante xunto a dous familiares. A muller, por causas que aínda se investigan, perdeu o control do automóbil caendo por un terraplén na saída da ponte ao mar.
Neses momentos a marea encontrábase baixa e os tres ocupantes puideron abandonar o turismo polo seu propio pé, segundo fontes do servizo do 112. Non obstante, foi necesaria a intervención dunha dotación de Urxencias Médicas para que fosen trasladados e atendidos no Hospital comarcal do Salnés.
Segundo as primeiras estimacións, a muller perdeu o coñecemento cando circulaba pola ponte. Debido á perda de control do vehículo, o auto se abalanzaba sobre un deportista que corría polas inmediacións da ponte e que tamén tivo que tirarse á auga para evitar o impacto.
Varios particulares chamaron ao servizo de Emerxencias do 112 para comunicar o accidente e ata a zona desprazáronse tamén dotacións da Policía Local de Vilanova de Arousa, Protección Civil e alertouse ao servizo de Salvamento e Gardacostas por se era necesaria a súa intervención, sen que finalmente tivesen que acudir ao lugar.