Novo asfaltado para O Casal e o Colexio Sequelo, o Pavillón da Laxe terá que esperar
Por Oskar Viéitez
Este xoves, tal e como estaba previsto, realizouse unha visita técnica ás obras de demolición dos anexos ao Pavillón da Laxe.
Técnicos de Augas de Galicia debido á afección do regato e técnicos da Concellería de Educación desprazáronse ao lugar acompañados de varios concelleiros e a alcaldesa. Alí encontráronse coa dirección do centro e a empresa que está a realizar os labores de demolición dos anexos ao pavillón.
A actuación deberá quedar rematada a semana que vén polo que se priorizarán os labores máis urxentes. Posteriormente os técnicos estiveron a valorar a situación do pavillón co compromiso de actuar no ámbito durante o verán, aproveitando a ausencia de actividade escolar e o escaso caudal do regato.
Durante estes días seguirase adiante cos traballos de demolición, de retirada de entullo, de saneamento e limpeza do río que están xa moi avanzados.
PLAN DE ASFALTADOS NO RURAL
O bo tempo esta facilitando o avance dos traballos programados no Plan de Asfaltados no Rural. Así, xa finalizou o asfaltado do camiño na zona do Casal que se levou a cabo ao longo do mércores pola empresa adxudicataria Construcciones Casas, empregando maquinaria de reducidas dimensións e facendo máis traballo manual debido á estreiteza deste tramo.
Ademais, este xoves foi executada unha actuación que era moi urxente, que fora demandada reiteradamente pola comunidade educativa do colexio do Sequelo en repetidas ocasións, que era a mellora do firme do vial de acceso ao colexio.
Relacionadas:
-
Case 50.000 euros para reformar os vestiarios do Pavillón do Sequelo
Por Redacción |
-
Arranxo de camiños en Ardán e Seixo
Por Redacción |
-
Demolición do almacén e un muro no colexio da Laxe
Por Oskar Viéitez |
-
O PSOE de Marín presenta unha moción para que se canalice o leito do río detrás do Pavillón da Laxe
Por Redacción |
-
O Pavillón da Laxe poderá seguir empregándose malia a caída da parede dun almacén próximo
Por Redacción |
-
O chapapote chega ao Camiño de Aniñada
Por Redacción |