O PSOE de Marín pide unha reunión da xunta de voceiros para informar das dilixencias do Tribunal de Contas
Por Redacción
O grupo municipal socialista en Marín solicitou a reunión urxente da xunta de voceiros para pedirlle á alcaldesa, María Ramallo, "aclaración sobre as informacións contraditorias publicadas estes días", sobre as dilixencias de fiscal do tribunal de Contas sobre os pagamentos feitos por este concello referidos aos anos 2013 e 2014.
Os socialistas optaron por esta vía tras a negativa do delegado da área de Facenda, Manuel Santos, de dar información á oposición na comisión informativa da súa área.
Os concelleiros do PSdeG queren unha copia do expediente e das alegacións presentadas polo grupo de goberno para defenderse das acusacións do Tribunal de Contas, "o cal ve indicios de responsabilidade contable dos fondos municipais" do Concello de Marín.
"Nós o grupo socialista cremos que é un tema moi preocupante, na que predomina a burda intención de ocultar estes feitos á oposición, e que a señora Ramallo tería que actuar coa mesma rigorosidade que actuou contra o grupo socialista cando estivemos auditar polo tribunal de contas nos nosos mandatos", indicaron nun comunicado.
Dende a oposición xustifican "esa intención de ocultar", no nomeamento do avogado por resolución da alcaldía e non levar este nomeamento ao pleno da corporación, "como debería ser".
Relacionadas:
-
O Tribunal de Contas arquiva o expediente aberto ao Concello de Marín
Por Redacción |
-
O goberno local de Marín informa os voceiros municipais do expediente aberto polo Tribunal de Contas
Por Redacción |
-
A reclamación do Tribunal de Contas xera controversia entre o goberno local de Marín e a oposición
Por Oskar Viéitez |
-
O goberno local de Marín alega contra o expediente aberto polo Tribunal de Contas
Por Redacción |