Unha parroquia da Lama crea un 'banco de casas' en aluguer para frear o seu despoboamento
Por Redacción
A parroquia de Xesta (A Lama), ao igual que moitas aldeas galegas, afrontan un grave problema de despoboación e envellecemento dos seus veciños. Para tratar de paliar esta situación, a asociación de veciños San Bartolomé de Xesta decidiu crear un banco de casas, vivendas actualmente sen uso que se ofrecerán en aluguer a un módico prezo.
Segundo explicou o seu presidente, Enrique Vaqueiro, esta iniciativa conta xa con sete vivendas á súa disposición, que se poñerán en aluguer este mes. Trátase de casas familiares "que non teñen ningún uso, nin sequera en verán".
A asociación veciñal actuará como intermediaria entre arrendadores e inquilinos. Será a encargada de colocar as casas en aluguer, buscar os inquilinos e asesorar os propietarios para redactar un contrato con garantías e seguridade.
Intentarase pactar un prezo único para todas as casas: 100 euros ao mes, máis os correspondentes gastos de luz, auga e mantemento da vivenda.
Neste sentido, Vaqueiro sinala que é moi importante este cambio de mentalidade nos propietarios destas vivendas. "Se os pobos non se abren van camiño de desaparecer. Se un propietario ten unha casa baleira, sen uso, ten unha oportunidade para conservar o patrimonio dos seus pais e avós e facer un favor moi grande ao pobo", concluíu.
Relacionadas:
-
O PSOE en Madrid aprobará no seu programa a proposta do "banco de casas" de Enrique Vaqueiro
Por Oskar Viéitez |
-
Xesta conclúe con éxito a primeira parte do seu plan de alugueres contra a despoboación
Por Redacción |
-
Empeza en Xesta a reparación de lavadoiros en todo o termo municipal da Lama
Por Redacción |
-
A Lama aproba un orzamento de case 1,4 millóns de euros para 2015
Por Redacción |