Os GRECO realizan rexistros na zona do Salnés tras interceptar un barco con cocaína
Por Redacción
Os Grupos de Resposta Especial para o Crime Organizado (GRECO) da Policía en Galicia mantén aberta unha operación contra o narcotráfico que se iniciou ao interceptar un barco, a Coral I, no Atlántico ao detectarse que transportaba unha tonelada e media de cocaína.
Os nove tripulantes do buque que portaba bandeira de Venezuela e que procedía de Sudamérica foron detidos. Segundo información do delegado do Goberno en Galicia, a maioría dos detidos son estranxeiros, aínda que tamén se encontraba algún español entre a tripulación.
Ao longo de toda a xornada, a Policía Nacional está a realizar rexistros en diferentes domicilios da comarca do Salnés, en puntos como Corvillón en Cambados, ademais de noutras zonas de Arousa, para comprobar a relación co alixo de 49 fardos comisado.