A Xunta estudará que estradas do Salnés poden acoller carrís bici ou sendas peonís
Por Oskar Viéitez
A Xunta de Galicia licitou este luns un contrato destinado a analizar os treitos de estradas autonómicas da comarca do Salnés nos que resulta conveniente desenvolver sendas peonís ou vías ciclistas en estradas de titularidade autonómica para fomento da mobilidade sostible.
O goberno autonómico inverterá máis de 100.000 euros na redacción do estudo, no que se proporán actuacións concretas que favorezan os desprazamentos a pe ou en bicicleta.
A Consellería de Medio Ambiente, Territorio e Infraestruturas utilizará o produto destes traballos para programar un investimento de máis de 28 millóns de euros de fondos europeos que o presuposto comunitario 2014-2020 destina ao fomento da mobilidade sostible en Galicia.