Rouban no Liceo Mutante durante as badaladas
Por Oskar Viéitez
A sede do Liceo Mutante na rúa Rosalía de Castro, sufriu un roubo na noite de fin de ano.
Segundo informan os responsables desta asociación no seu perfil de Facebook, o suceso aconteceu durante a Noiteboa, "varias entradas do Liceo Mutante foron forzadas e un ou varios indesexables provocaron moitos destrozos nas instalacións amén de sustraer diñeiro (unhas poucas moedas, xa que non adoitamos a deixar nada ou case por seguridade) e moito material que detallamos coa esperanza de que coa difusión poidamos saber algo sobre ó seu paradoiro e recuperalo".
Trátase dunha guitarra eléctrica Epiphone Sg G 400, un baixo eléctrico Ibanez Jet King, un proxector Mitsubishi Xd 300u e dous ordenadores portátiles, un Fujitsu e un Toshiba.
Dende o Liceo Mutante sinalan que este roubo supón "un golpe moi duro para unha asociación coma a nosa, que adoita a estar endebedada con caseiros e provedores", polo que "toda axuda na difusión contará co noso agradecemento infinito".
Para ampliar calqueira tipo de información os responsables da asociación deixan o seu enderezo electrónico liceomutante@gmail.com