En Nadal a cociña tradicional imponse fronte á moderna
Por Oskar Viéitez
O minimalismo e á esencia estética dos pratos, a cociña molecular, as escumas, xeados de calquera sabor e cor, xeos secos, e demais tecnoloxías perderon a batalla fronte aos pratos "de toda a vida", segundo se desprende da última enquisa realizada pola Federación Provincial de Comercio entre un milleiro de pontevedreses.
Fronte á tendencia marcada en anos anteriores este 2014 a cesta da compra dos pontevedreses en relación á Noiteboa, comida de Nadal, cea de final de ano e primeiro de ano e Reis está volvendo ás ceas tradicionais, no sentido de que os produtos que máis se están vendendo son o langostino, o buei e a pescada, principalmente conxelados e tamén unha importante porcentaxe pon produtos típicos de embutidos variados; volve outra vez en aumento o bacallao con coliflor, o polo ou o pavo, así como o cordeiro.
O gasto superior é na noite de final de ano en que a xente se esmera máis en levar algunha variedade de mariscos, peixe ou año.
Para a comida do primeiro de ano unha porcentaxe importante inclínase sobre o tradicional cocido ou lacón con grelos, moitos consumidores realizaron xa as súas compras desde finais de novembro ata o 10 de decembro, xa que saben que na semana antes a Nadal e Noiteboa os prezos poden chegar a subir unha media do 50% no caso dalgúns mariscos.
PREGUNTAS
Que produtos vai consumir como entrantes na cea de Nochebuena e na comida de Nadal?
- O 18% comenta que servirá entremeses variados preparados en casa.
- Outro 66% di que principalmente mariscos, (langostinos, gambas, centolas e buei); deste 66%, os consumidores din que o 57% corresponde a mariscos conxelados, e o 9% con mariscos frescos.
- O 7% di que principalmente embutidos, empanadas, e queixos.
- E o 9 % non sabe/non contesta.
Cal é o menú que ten previsto poñer na cea de Noiteboa?
- O 29 % elixe bacallao con coliflor
- Un 27 % outros peixes (lenguado, pescada, rodaballo, lubina...), dos cales o 11 % corresponde peixe fresco e o 16% ao peixe conxelado.
- O 25 % contesta que ceará carne (año, cordeiro, carnes preparadas).
- Un 12 % responde que na cea servirá pavo, polo ou galiña.
- E o restante 7 % outro / non sabe / non contesta.
Cal é o menú que ten previsto poñer e na comida de Nadal?
- O 23% dos enquisados di que peixes (dos cales o 7% corresponde a peixe fresco e o 16% será peixe conxelado).
- Outro 56 % dos consumidores din carne (año, cordeiro, pavo, cocido).
- Un 11% di que vai elaborar pratos de creación propia con produtos típicos de Nadal.
- E o restante 10% non sabe / non contesta.
Que sobremesas adoitan poñer nestas festas navideñas?
- O 65% dos enquisados, comenta que poñerán sobremesas típicas do Nadal (turrón, xemas, améndoas).
- O 21% unha representación de turróns, na súa maioría sobremesas caseiras ou de repostería.
- Un 8% contestou que elaboran sobremesas caseiras e algo de turrón.
- E o 6% non sabe / non contesta.
O 32% dos enquisados consumen produtos propios, da súa colleita, ou de familiares, principalmente a xente das parroquias e concellos de entre 3.000 e 15.000 habitantes; os concellos maiores non teñen esa facilidade de produtos do campo e teñen que comprar todos os produtos para a cesta da compra destas festas (Noiteboa, Nadal, e Final de Ano).
O importe medio gastado na cea de Noiteboa e na comida de Nadal, segundo a enquisa realizada é de 210 euros por familia.