Información VIH uniuse ao grupo
Por Oskar Viéitez
Con motivo do 1 de decembro, Cruz Vermella Xuventude organiza a súa campaña de sensibilización 'Información VIH uniuse ao grupo'.
O obxectivo de previr condutas de risco así como actitudes e comportamentos relacionados co estigma e a discriminación cara ás persoas que viven co VIH e a Sida.
A intención da campaña é que sexan as e os propios mozos os que respondan ás principais cuestións relacionadas co VIH e a Sida (Que é? Que pasa? Como se transmite o VIH? Como se previene?...).
En Pontevedra os voluntarios organizaron dúas actividades de sensibilización e información na facultade de Ciencias da Comunciación e na Praza da Ferraría.
O único grupo de risco é o formado por persoas desinformadas
A campaña está dirixida fundamentalmente á poboación adolescente e nova entre 14 e 29 anos.
O único grupo de risco é o formado por persoas desinformadas que se senten absolutamente alleas ao VIH ou á Sida.
O lema "Información VIH uniuse ao grupo" é un slogan que mantén unha relación directa con todas as aplicacións de mensaxería instantánea, tan de auxe na actualidade entre a poboación xuvenil. A campaña, polo tanto, é un convite a toda a xuventude para que incorporen en todos os seus mecanismos de comunicación información veraz e fiable sobre os temas que máis lles afectan, como é o caso do VIH.
MARÍN
En Marín, o Concello, a través da Concellería de Benestar Social e Igualdade, tamén está levando a cabo unha campaña de sensibilización e fomento do uso correcto do preservativo como medio de prevención de enfermidades de transmisión sexual e evitar a infección polo VIH/sida, pois está comprobado que é a medida máis eficaz.
Nas dependencias do Centro de Información ás Mullleres (CIM) e no concello facilítase material informativo e de prevención, que foi suministrado pola Xunta de Galicia, e está a disposición das persoas interesadas.
A campaña deste ano ten como lema: A sida non é algo do pasado teno presente, incidindo na cantidade de persoas con infección por VIH que descoñecen que o teñen.