Adeus ás goteiras no Centro Cultural e a Oficina de Turismo
Por Redacción
Durante esta semana estase a proceder á substitución dos antigos caneiros e baixantes do Centro Cultural da vila e da Oficina de Turismo.
En ambos os dous casos o antigo caneiro encontrábase moi deteriorado, provocando continuas goteiras sobre o ámbito. De feito o da Oficina de Turismo xa tivo que ser retirado antes do verán polo seu mal estado.
O novo caneiro e as baixantes que se van instalar son de aluminio lacado cor cobre, o que servirá tamén para mellorar a imaxe destes dous edificios de pedra xa que harmonizará mellor coas súas fachadas.
Nesta actuación o Concello vai investir ao redor de 2.800 euros, ao ser este o mellor presuposto das empresas que presentaron oferta.
Durante estes días haberá algunhas restricións de aparcadoiro nesa zona para posibilitar ao realización desta obra.