A administración concursal chama os acredores de Enmacosa
Por Redacción
O Boletín Oficial do Estado publica este venres a declaración de concurso voluntario de acredores da empresa Enmacosa.
O Xulgado de Mercantil número dous de Pontevedra ditou en data vinte e oito de outubro de 2014 o auto de correspondente, acordando a intervención das facultades de administración e disposición que seguirá exercendo o debedor.
Designouse como administrador concursal ao avogado Alberto García Pombo.
Igualmente acordouse o chamamento dos acredores, máis de cincuenta entre empresas e particulares, para que comuniquen á administración concursal designada a existencia dos seus créditos.
O pasivo que posúe Enmacosa supera os cinco millóns de euros. A empresa conta con 111 traballadores.