Unha muller resulta ferida nun aparatoso accidente na rúa Benito Corbal
Por Redacción
Aparatoso accidente de circulación o acontecido na mañá deste mércores en pleno centro de Pontevedra, na rúa Benito Corbal.
Unha muller tivo que ser trasladada a un centro hospitalario da cidade despois de que o coche que conducía, un Citroën C4, fose arremetido por outro coche, un Opel Astra, no cruzamento da rúa Benito Corbal con Javier Puig, xunto á gasolineira.
A condutora do C4 acabou chocando contra un farol despois de que, segundo apuntaron testemuñas presenciais, o Astra, cuxa única ocupante resultou ilesa, saltase o stop de Javier Puig.
O suceso produciuse ás 8:15 horas e ata o lugar desprazáronse efectivos da Policía Local de Pontevedra e 061.