Aumentan as axudas para a promoción da igualdade
Por Redacción
A secretaria xeral da Igualdade, Susana López Abella deu conta este xoves en rolda de prensa da resolución da orde de axudas e subvencións a entidades locais para a promoción da igualdade e cofinanciadas polo Fondo Social Europeo, que este ano ascenden a 3,4 millóns de euros, un 4% máis con respecto ao ano pasado.
Na área territorial de Pontevedra, as axudas chegan aos 761.370 euros, o que supón un incremento superior ao 12% con respecto á convocatoria do pasado ano.
Engloban a promoción da igualdade entre homes e mulleres, o fomento da conciliación e o apoio aos Centros de Información ás Mulleres.
Esta convocatoria priorizou os proxectos de xestión compartida, o que significa incremento de puntuación e incremento de subvención para os concellos que presentaran solicitudes conxuntas.