Vinte persoas aspiran a ser camareiro formándose en Ponte Caldelas
Por Redacción
Un grupo de vinte alumnos comezou o curso de camareiro nas instalacións formativas do Concello de Ponte Caldelas nas inmediacións de Chan da Barcia. Co inicio desta actividade, arranca unha nova edición de cursos formativos para favorecer o acceso ao mercado laboral de persoas en situación de desemprego ou que queiran mellorar a súa capacitación. Nunha primeira fase ofreceranse tamén cursos de primeiros auxilios en caso de traumatismo, coidados básicos para persoas dependentes e un de orientación laboral.
O curso de camareiro é impartido pola Asociación Rexurdir desenvólvese ata o 21 de novembro, cun total de 120 horas lectivas teórico-prácticas que se impartirán de luns a venres en horario de 9:30 a 13:30 horas nas instalacións municipais.
Os principais destinatarios destes cursos son parados de longa duración, persoas sen cualificación profesional e rendas baixas e está integrado no II Plan de Inclusión Social en colaboración co departamento de Servizos Sociais del Concello de Ponte Caldelas.
O curso de primeiros auxilios en casos de traumatismos impartirase o 17 de outubro e constará de 5 horas lectivas teórico-prácticas que serán impartidos a un total de 15 alumnos en horario de 16 a 21 horas. As clases serán no Salón de Actos do Centro Cultural de Ponte Caldelas e están organizadas pola Axencia de Asociacións de Transporte de Viaxeiros en Autocar (Transgacar).
Do 20 ao 31 de outubro desenvólvese o curso de coidados básicos para persoas dependentes que se impartirá ao longo de 40 horas lectivas para un máximo de 25 alumnos. Diríxese a mozos con idades comprendidas entre os 16 e os 35 anos, aínda que se non se completa a cota poderán participar todas as persoas que o desexen e se inscriban no Concello.
O 17 de novembro iniciarase o curso de orientación laboral en colaboración coa Xunta de Galicia. O límite para apuntarse nesta iniciativa está fixado no 10 de novembro.