A Tenda da Gata: Unha tenda de barrio 2.0 en Pontevedra dedicada ao consumo responsable
Por Redacción
Tenda de barrio, de consumo responsable. Así define a súa propietaria, Yolanda Valcárcel, o seu establecemento, situado na Praza da Verdura número 6 de Pontevedra. A Tenda da Gata ofrece moitas cousas: gastronomía, catering, asesoramento gastronómico, presentación de produtos novos, talleres e mesmo turismo galego alternativo, todo iso cun denominador común: o consumo responsable.
Yolanda incide en que A Tenda da Gata é unha tenda de última xeración, unha tenda de barrio, pero en versión 2.0. Ela mesma defínese como tendeira de barrio moderna, unha tendeira 2.0 empeñada en sacar adiante un establecemento pequeno pero ambicioso, no que teñan cabida produtos nosos, dos que non se encontran nas grandes superficies ou áreas comerciais.
Situada no corazón urbano de Pontevedra, A Tenda da Gata centraliza e ofrece os produtos tanto turísticos e gastronómicos coma culturais da nosa comunidade, Galicia, co fin de impulsar e apoiar o consumo local. Nela pódense encontrar produtos que chegan directamente de produtores locais, produtores que respectan o medio natural seguindo os principios da permacultura e o ecoloxismo, con total fidelidade ao tradicional e artesán.
Pero A Tenda de Gata non é unha tenda gastrónomo nin delicatesen. Tampouco é unha axencia de viaxes. Dende o coñecemento de Galicia, a súa oferta de viaxes parte do respecto ao medio natural, apostando por unha vida en sintonía coa natureza.
Os produtos de tempada priman en cada momento nos seus estantes, con respecto á natureza, o artesán, o agricultor, os demais. Evitando os plásticos, os alimentos quilométricos, miles de envases e cachivaches. Na Tenda da Gata pódese encontrar e descubrir todo o que se está a facer dun xeito responsable e sostible.
COMIDA FRESCA DE TEMPADA
ÿ unha das principais apostas da Tenda da Gata. Cestas ecolóxicas de legumes, hortalizas, froitas e tamén cestas de peixe fresco, de pesca das rías galegas, igualmente responsable e sostible.
Todos os seus produtos están dispoñibles para recoller na tenda, pero o cliente pode optar pola entrega a domicilio.
CATERING RESPONSABLE E SOSTIBLE
A Tenda de Gata tamén pode organizar calquera celebración ou evento co seu servizo de Catering. Cunha aposta polo sinxelo e sustentable, con produtos galegos de calidade e decoracións axeitadas a cada evento.
Os menús están elaborados con materias primas de gran calidade, artesás, de tempada. Con produtos de proximidade e comercio xusto e/ou ecolóxicos para completar os menús, como o café, o azúcar, arroz ou viño da terra, ecolóxico ou de produtor responsable e as cervexas artesás elaboradas en Galicia.
Os clientes teñen á súa disposición diferentes menús, sinxelos, elaborados artesanalmente, caseiros. Dende un catering de festa, ata un pícnic responsable e sustentable. Organizados onde o cliente decida: na súa propia casa ou local, en espazos en sintonía coa natureza. Eventos diferentes, decorados con materiais reutilizados e reciclados.
EVENTOS
Na Tenda da Gata tamén organízanse diferentes eventos. Dende presentacións de produtos, como os Xoves de Pecado, nos que o produtor explica o seu proxecto e ofrece unha degustación do que presenta, ata talleres, cursos e charlas en colexios para concienciar os máis pequenos do que é un consumo responsable.
Ademais, e de cara ás próximas festas do Nadal, tamén se elaboran cestas de nadal con produtos exclusivamente galegos e responsables, é dicir, de empresas pequenas, artesás e cunha canle de distribución sostible.
Na Tenda da Gata tamén se poden reservar billetes para excursións ás Illas Cíes e Ons
TURISMO RESPONSABLE
Outra faceta máis que se pode encontrar na Tenda da Gata é a de axencia local de Turismo responsable. Preparando xa as rutas turísticas cara á próxima primavera, xestiónanse estanzas e actividades de turismo responsable en Galicia, ademais de poder reservar billetes para excursións ás Illas Cíes, Ons, etc.
Todo isto e moito máis ofrece unha tenda nova, distinta, que supón toda unha agradable tentación para os sentidos. Unha tenda 2.0 que tamén ofrece a posibilidade de compra on-line visitando a súa web www.atendadagata.com e que seguro non deixará indiferente a ninguén.