Identifican un home de 47 anos acusado de varios furtos en tendas de roupa de Benito Corbal
Por Redacción
Axentes da Policía Nacional da Comisaría Provincial de Pontevedra interceptaron o pasado venres, día 3 de outubro, un home tras a denuncia dun establecemento comercial da rúa Benito Corbal.
Os feitos sucederon ás 16:45 horas cando o responsable dunha tenda de roupa requiriu unha patrulla policial que pasaba pola zona para explicarlles que sorprendera a un home arrancando dispositivos de alarma de varias pezas e que tras ser advertido por iso abandonou apresuradamente o local.
Os axentes iniciaron unha busca e interceptaron o individuo na Praza de Barcelos. Segundo explica a Policía Nacional o home, de 47 anos e veciño de Pontevedra, recoñeceu ter substraído as pezas de roupa e as devolveu voluntariamente. Pertencían a dous establecementos diferentes desta zona comercial.
A patrulla procedeu entón ao seu traslado a comisaría, onde se lle entregou unha citación para a celebración dun xuízo rápido por faltas.