Rescatan un bañista na praia de Pragueira
Por Oskar Viéitez
Un veciño de Noalla, de 52 anos, foi rescatado este xoves despois de que sufrise un afogamento na praia de Pragueira.
Segundo informaron fontes de Emerxencias Sanxenxo, o bañista foi rescatado por un enfermeiro que se encontraba no areal que escoitou os berros de auxilio.
O home encontrábase preto da beira pero o mar de fondo complicaba o seu rescate.
Ademais de Emerxencias Sanxenxo, ata o lugar do suceso se trasladou unha ambulancia cun médico do PAC de Baltar que lle practicou os primeiros auxílios antes do seu traslado a un centro hospitalario.
Os servizos sanitarios indicaron que o seu estado é grave.